کافی کے ایک کپ کو دن کی شروعات کا لازمی حصہ سمجھا جاتا ہے، مگر طبی ماہرین خبردار کر رہے ہیں کہ یہ عادت آپ کی ادویات کی تاثیر پر غیر متوقع اثر ڈال سکتی ہے۔
چاہے یہ سردی اور فلو کی دوائیں ہوں، تھائیرائیڈ ہارمون کی سپلیمنٹس، دل کی دوائیں یا ذہنی صحت کی ادویات، کافی کے ساتھ لینا ان کے اثر کو کم یا سائیڈ ایفیکٹس کو بڑھا سکتا ہے۔ کافی میں موجود کیفین جسم میں مختلف طریقوں سے ادویات کے ساتھ تعامل کرتی ہے، جس سے دواؤں کی تاثیر متاثر ہو سکتی ہے۔
کم عمری کی شادی کے بل سے والدین کو بلیک میل کیا جائے گا، مولانا عبدالغفور حیدری
سردی اور فلو کی دوائیں کافی کے ساتھ لینے سے دل کی دھڑکن تیز ہونا، بے چینی، نیند نہ آنا اور سر درد جیسے مسائل بڑھ سکتے ہیں کیونکہ دونوں اعصاب کے نظام کو متحرک کرتی ہیں۔ تھائیرائیڈ کی دوائیں جیسے لیوو تھائروکسین کافی کے اثر سے مکمل طور پر جذب نہیں ہو پاتیں، جس سے دوا کا مطلوبہ اثر کم ہو سکتا ہے۔ ذہنی صحت کی ادویات اور اینٹی ڈپریسنٹس کے ساتھ کافی لینے سے دوا کے جذب اور اثر پر فرق پڑ سکتا ہے۔
درد دور کرنے والی دوائیں جیسے اسپرین یا پیراسیٹامول میں پہلے سے کیفین شامل ہو سکتی ہے، کافی کے ساتھ لینے سے معدے میں جلن یا خون بہنے کا خطرہ بڑھ سکتا ہے۔ دل کی دوائیں اور بلڈ پریشر کی دوائیں کافی کے اثر سے اپنے مطلوبہ اثر میں کمی دیکھ سکتی ہیں کیونکہ کافی عارضی طور پر بلڈ پریشر اور دل کی دھڑکن بڑھا سکتی ہے۔
ماہرین مشورہ دیتے ہیں کہ اگر آپ کو معلوم نہ ہو کہ کافی اور آپ کی دوائیں کس طرح اثر ڈالیں گی تو اپنے ڈاکٹر یا فارماسسٹ سے رجوع کریں تاکہ آپ روزمرہ کی کافی کا لطف محفوظ طریقے سے جاری رکھ سکیں۔
