دن کا آغاز اگر سوچ سمجھ کر کی جانے والی خوراک سے ہو تو وزن کم کرنے کا عمل نسبتاً آسان ہو سکتا ہے۔ ماہرینِ صحت کا کہنا ہے کہ صبح خالی پیٹ کچھ مخصوص غذائیں استعمال کرنے سے نہ صرف میٹابولزم تیز ہوتا ہے بلکہ بھوک پر قابو پانے، توانائی بڑھانے اور جسم میں چربی کے جمع ہونے کے عمل کو سست کرنے میں بھی مدد ملتی ہے۔ فٹنس ایکسپرٹ نیہا پریہار نے ایسی پانچ غذاؤں کی نشاندہی کی ہے جو خالی پیٹ کھانے یا پینے سے وزن کم کرنے میں معاون ثابت ہو سکتی ہیں۔
لیاری گینگ وار کے سابقہ کمانڈر رحمان ڈکیت کا بھتیجا ساتھی سمیت گرفتار
نیہا پریہار کے مطابق پیٹ کی چربی کم کرنے اور جسم کو فِٹ بنانے کے لیے دن کی شروعات بھگوئے ہوئے بادام یا اخروٹ سے کی جا سکتی ہے۔ یہ غذائیں پروٹین، فائبر اور صحت مند چکنائی سے بھرپور ہوتی ہیں جو میٹابولزم کو بہتر بناتی ہیں اور غیر ضروری بھوک کو کم کرنے میں مدد دیتی ہیں۔ ماہرِ صحت خالی پیٹ بغیر چینی کے آملے کا رس پینے کو بھی مفید قرار دیتی ہیں کیونکہ یہ نظامِ ہاضمہ کو بہتر بناتا ہے اور میٹابولزم کو تیز کرتا ہے۔
اسی طرح برازیل نٹس کو بھی خالی پیٹ خوراک میں شامل کرنے کا مشورہ دیا گیا ہے، جن میں موجود سیلینیم، پروٹین اور فائبر جسم کو دیر تک توانا رکھتے ہیں اور تھائیرائیڈ کے افعال کو بہتر بناتے ہیں۔ خالی پیٹ گرم پانی میں ہلدی اور کالی مرچ ملا کر پینا بھی ایک مقبول صحت بخش عادت ہے جو وزن کم کرنے میں معاون ہو سکتی ہے۔ اس کے علاوہ چیا سیڈ والا پانی بھی وزن کنٹرول کرنے کا آسان طریقہ بتایا جاتا ہے جو بھوک کم کرنے اور ہاضمہ بہتر بنانے میں مدد دیتا ہے۔ فٹنس کوچ کا کہنا ہے کہ اگر ان غذاؤں کو باقاعدگی سے متوازن خوراک اور سادہ ورزش کے ساتھ اپنایا جائے تو 30 سے 90 دن کے اندر واضح نتائج حاصل کیے جا سکتے ہیں۔
