حکومتِ نے کینسر اور دل کے مریضوں کے اخراجات کا بوجھ اپنے سر لے لیا

پنجاب میں کوئی بھی کینسر یا دل کا مریض اپنی جمع پونجی، گھر یا زیور نہیں بیچے گا۔ حکومت پنجاب نے کینسر اور دل کے مریضوں کے ناقابل برداشت اخراجات کا بوجھ اپنے سر لے لیا ہے۔ وزیر اعلیٰ مریم نواز کی زیر صدارت میں پنجاب میں وزیراعلیٰ اسپیشل اینیشیٹیو برائے کینسر پیٹینٹ کارڈ متعارف کرانے کا فیصلہ کر لیا گیا۔ پنجاب میں کینسر اور دل کے عارضے میں مبتلا افراد کے علاج کا مکمل خرچ حکومت ادا کرے گی۔ کینسر اور کارڈیک سرجری کے لیے خصوصی کارڈ متعارف کرانے کا فیصلہ کر لیا گیا۔

وادی کے کشمیری اپنے جذبے پر بھارتی فوجیوں کے خلاف جنگ لڑ رہے ہیں , عثمان عتیق

مہنگے علاج کے خوف سے بے فکر، امراض قلب میں مبتلا ہر مریض سی ایم اسپیشل اینیشیٹیو کارڈ کے ذریعے دس لاکھ تک کے علاج کی سہولت حاصل کرے گا۔ پنجاب میں پہلے مرحلے میں پینتالیس ہزار مریض نئے سی ایم اسپیشل اینیشیٹیو کارڈ سے مہنگے علاج کے اخراجات سے بے فکر ہو جائیں گے۔

بریفنگ دی گئی کہ چیف منسٹر کارڈیک سرجری پروگرام کارڈ کے ذریعے مفت سرجری کی جائے گی۔ مریم نواز نے فالج کے بروقت علاج کے لیے پروگرام پلان طلب کر لیا۔ سترہ جنوری تک نواز شریف انسٹی ٹیوٹ کینسر ٹریٹمنٹ اینڈ ریسرچ کے او پی ڈی بلاک کو فعال کیا جائے گا۔ نواز شریف انسٹی ٹیوٹ آف کارڈیالوجی سرگودھا اکتیس جنوری تک فعال کرنے کی ڈیڈ لائن مقرر کر دی گئی۔