اسلام آباد: پاکستان اور ایشیائی ترقیاتی بینک کے درمیان تین اہم معاہدوں پر دستخط کر دیے گئے ہیں۔
ترجمان اقتصادی امور کے مطابق ایم ایل ون کراچی کے روہڑی سیکشن کے لیے پراجیکٹ ریڈینیس فنانسنگ، کوئٹہ بس ریپڈ ٹرانزٹ کے لیے پراجیکٹ ریڈینیس فنانسنگ، اور بلوچستان واٹر ریسورسز ڈیولپمنٹ سیکٹر منصوبے کے لیے اضافی فنانسنگ کے معاہدوں پر دستخط ہوئے۔
ملک کے خلاف بیانیہ پھیلانے اور سازش کرنے والے غدار ہیں، فیصل واوڈا
منصوبوں پر سیکرٹری اقتصادی امور محمد کریم اور سیکرٹری ریلوے مظہر علی شاہ نے دستخط کیے جبکہ ایشیائی ترقیاتی بینک کی جانب سے کنٹری ڈائریکٹر ایما فین نے معاہدوں پر دستخط کیے۔
سیکرٹری اقتصادی امور نے کہا کہ اہم منصوبوں پر معاونت کے لیے ایشیائی ترقیاتی بینک کا شکریہ ادا کرتے ہیں، اور کنٹری ڈائریکٹر ایما فین نے منصوبوں کے لیے مضبوط عزم پر حکومت پاکستان کی تعریف کرتے ہوئے کہا کہ ایشیائی ترقیاتی بینک پاکستان کے ساتھ تعاون جاری رکھے گا۔
