قائداعظم کے سنہری اصول درخشاں قومی مستقبل کی ضمانت ہیں: وزیراعظم

وزیراعظم شہباز شریف نے قائداعظم محمد علی جناح کو شاندار خراجِ عقیدت پیش کیا ہے۔

بابائے قوم کے یومِ پیدائش پر اپنے پیغام میں وزیراعظم نے کہا کہ قائداعظم نے بلا تفریق رنگ و نسل، مذہبی ہم آہنگی، معاشرتی رواداری اور انصاف جیسے رہنما اصولوں کا درس دیا۔

وفاقی سرکاری ملازمین کو جمعہ کو چھٹی نہیں ہو گی ، وضاحتی نوٹیفکیشن جاری

وزیراعظم شہباز شریف نے کہا کہ قائداعظم کے سنہری اصول ایمان، اتحاد اور تنظیم ایک درخشاں قومی مستقبل کی ضمانت ہیں اور ہر سال قائداعظم کا یومِ پیدائش پوری قوم کے لیے تجدیدِ عہد کا موقع فراہم کرتا ہے۔

ان کا کہنا تھا کہ قائداعظم کی سیاسی بصیرت نے قیامِ پاکستان اور برصغیر کے مسلمانوں کے سیاسی مستقبل میں فیصلہ کن کردار ادا کیا۔

وزیراعظم نے کہا کہ قائداعظم محمد علی جناح نے تاریخ کا دھارا موڑ کر مملکتِ خداداد کے قیام کو ممکن بنایا اور مسلمانوں کے لیے ایک آزاد، خودمختار اور فلاحی ریاست کے عزم کے لیے بھرپور جدوجہد کی۔

انہوں نے مزید کہا کہ قائداعظم محمد علی جناح نے نہ صرف سیاسی مخالفین کا مقابلہ کیا بلکہ سامراجی قوتوں کو بھی شکست دی۔