وزیراعظم آزادکشمیرکیخلاف تحریک عدم اعتماد پر پیپلزپارٹی اور ن لیگ میں ڈیڈ لاک ختم

مظفر آباد میں وزیراعظم آزادکشمیر چوہدری انوار الحق کے خلاف تحریک عدم اعتماد کے معاملے پر پیپلزپارٹی اور مسلم لیگ ن کے درمیان ڈیڈلاک ختم ہوگیا ہے۔ ذرائع کے مطابق مسلم لیگ ن نے قبل ازوقت انتخابات کی شرط پر وزیراعظم انوار الحق کے خلاف تحریک عدم اعتماد میں حمایت کی یقین دہانی کرائی ہے۔

ذرائع کا کہنا ہے کہ نئے وزیراعظم کی ذمہ داری ہوگی کہ وہ آئینی عہدوں پر زیر التواء تقرریاں مکمل کر کے عام انتخابات کی راہ ہموار کرے۔

کھیل ملازمین میں جسمانی فٹنس، نظم و ضبط، ٹیم ورک، برداشت اور باہمی تعاون کو فروغ دیتے ہیں، چیئرمین سی ڈی اے

آزاد کشمیر میں مسلم لیگ ن نے ایوان صدر پاکستان میں ان ہاؤس تبدیلی سے متعلق اجلاس پر اپنے تحفظات کا اظہار بھی کیا ہے۔ ذرائع کے مطابق تحریک عدم اعتماد جمع ہونے کے بعد مسلم لیگ ن کے وزراء اپنے عہدوں سے مستعفی ہو جائیں گے، اور عدم اعتماد میں ووٹ ڈالنے کے بعد ن لیگ کے ارکان اسمبلی اپوزیشن بینچوں پر بیٹھیں گے۔

اطلاعات کے مطابق اگر وزیراعظم چوہدری انوار الحق مستعفی نہ ہوئے تو کسی بھی وقت ان کے خلاف تحریک عدم اعتماد پیش کی جا سکتی ہے۔ اس تحریک کی کامیابی کے لیے ایوان میں 27 اراکین کی سادہ اکثریت درکار ہے، جبکہ مسلم لیگ ن کی حمایت حاصل ہونے کے بعد پیپلزپارٹی نے 36 اراکین کی حمایت کا دعویٰ کیا ہے۔