9 مئی مقدمات: شاہ محمود بری، یاسمین راشد اور اعجاز چوہدری کو 10، 10 سال کی سزا
انسداد دہشت گردی عدالت نے سانحہ 9 مئی سے متعلق دو مقدمات کا فیصلہ سناتے ہوئے شاہ محمود قریشی کو بری کر دیا، جبکہ اعجاز چوہدری، یاسمین راشد اور دیگر ملزمان کو 10،10 سال قید کی سزا سنا دی۔
یہ فیصلہ کوٹ لکھپت جیل میں انسداد دہشت گردی عدالت کے جج نے سنایا۔ عدالت نے محمود الرشید، عمر سرفراز چیمہ، ڈاکٹر یاسمین راشد اور اعجاز چوہدری کو 10،10 سال قید کی سزا سنائی، جب کہ عائشہ بھٹہ کو جناح ہاؤس کے قریب گاڑیاں جلانے کے مقدمے میں 10 سال قید کی سزا دی گئی۔
دوسری جانب تھانہ شادمان کو آگ لگانے کے کیس میں سہیل خان، اویس، رفیع الدین، فرید خان، سلمان احمد، عبدالقادر، فیضان، طیب، سلطان، شاہد بیگ، ماجد علی اور بخت روان کو بری کر دیا گیا۔
عالیہ حمزہ ملک اور صنم جاوید کو عدالت نے 5،5 سال قید کی سزا سنائی۔
واضح رہے کہ چند روز قبل انسداد دہشت گردی عدالت نے عمر ایوب، شبلی فراز اور دیگر افراد کو بھی 9 مئی کے جلاؤ گھیراؤ کے مقدمات میں سزائیں سنائی تھیں۔
