لاہور: سینئر صوبائی وزیر مریم اورنگزیب نے اعلان کیا ہے کہ جو شہری اپنی پیٹرول موٹر بائیک کو الیکٹرک میں تبدیل کریں گے، انہیں حکومت کی جانب سے ایک لاکھ روپے کیش انعام دیا جائے گا۔
پریس کانفرنس سے خطاب کرتے ہوئے مریم اورنگزیب نے کہا کہ پنجاب حکومت نے "پلانٹ فار پاکستان” مہم کا باقاعدہ آغاز کر دیا ہے، جو وزیراعلیٰ پنجاب مریم نواز کے وژن کا حصہ ہے۔ اس مہم کے تحت پنجاب میں اربن فاریسٹ کے ذریعے گرین کور بڑھایا جائے گا۔
انہوں نے مزید کہا کہ:
پنجاب کی پہلی اسموگ گنز کل میڈیا کے سامنے پیش کی جائیں گی۔
ایل ای ڈی لائٹس پر منتقلی پر شہریوں کو کاربن گرین کریڈٹ بھی دیا جائے گا۔
"پلانٹ فار پاکستان” کے تحت پانچ کروڑ درخت لگانے کا ہدف مقرر کیا گیا ہے، جس میں ہر درخت کی مانیٹرنگ اور میپنگ کی جا رہی ہے۔
آسٹریلوی طرز کی ٹیکنالوجی کی تنصیب رواں سال مکمل ہو جائے گی۔
وزیر نے بتایا کہ:
ٹیکنالوجی بیسڈ فائر کنٹرول فورس قائم کی جائے گی۔
اس پورے عمل کی نگرانی بینک آف پنجاب کرے گا۔
فاریسٹ لائن کو قبضہ مافیا سے واگزار کروایا گیا ہے۔
عوام 1399 پر کال کر کے پودہ اپنے گھر منگوا سکتے ہیں — یہ پودہ وزیراعلیٰ مریم نواز کا لاہور کے شہریوں کے لیے تحفہ ہے۔
مزید یہ کہ:
رنگ روڈ کے اطراف 3 لاکھ درخت لگانے کا منصوبہ ہے۔
لاہور میں گزشتہ 10 سال سے جاری اسموگ کے مسئلے پر قابو پانے کی بھرپور کوشش کی جا رہی ہے۔
سات ایئر کوالٹی مانیٹرز پنجاب کے ایئر کوالٹی سسٹم میں نصب کیے جا چکے ہیں۔
اختتام پر انہوں نے کہا کہ لاہور کے شہریوں کا فرض ہے کہ وہ زیادہ سے زیادہ درخت لگائیں تاکہ ایئر کوالٹی انڈیکس بہتر ہو سکے اور ماحولیاتی آلودگی پر قابو پایا جا سکے۔
