الیکشن کمیشن کے مطابق سینیٹ انتخابات میں مجموعی طور پر 143 ووٹ کاسٹ کیے گئے۔ خواتین کی نشست پر پی ٹی آئی کی روبینہ ناز نے 89 ووٹ حاصل کر کے کامیابی حاصل کی، جب کہ پیپلز پارٹی کی روبینہ خالد نے 52 ووٹ حاصل کیے۔ عائشہ بانو اور ماہ وش علی خان کو کوئی ووٹ نہیں ملا۔
جنرل نشستوں پر پی ٹی آئی کے مراد سعید نے 26 اور فیصل جاوید نے 22 ووٹ لے کر کامیابی حاصل کی۔ مرزا آفریدی اور نور الحق قادری نے 21، جے یو آئی کے عطا الحق درویش اور ن لیگ کے نیاز احمد نے 18، جبکہ پیپلز پارٹی کے طلحہٰ محمود نے 17 ووٹ لے کر کامیابی حاصل کی۔
جنرل نشستوں پر آصف رفیق، اظہر قاضی مشوانی، خرم ذیشان، دلاور خان، شفقت ایاز، عرفان سلیم، فیض الرحمان، اور وقاص اوکرزئی کو کوئی ووٹ نہیں ملا۔
ٹیکنوکریٹ نشست پر پی ٹی آئی کے اعظم سواتی نے 89 ووٹ جبکہ جے یو آئی کے دلاور خان نے 54 ووٹ حاصل کیے اور دونوں کامیاب قرار پائے۔ خالد مسعود، ارشاد حسین، نور الحق قادری، اور وقار احمد قاضی کو کوئی ووٹ نہیں ملا۔
