وفاقی حکومت نے پیٹرولیم مصنوعات کی نئی قیمتوں کا اعلان کرتے ہوئے آئندہ 15 روز کے لیے نرخوں میں رد و بدل کر دیا ہے۔ عالمی مارکیٹ میں خام تیل کی قیمتوں میں مسلسل اضافے کے اثرات پاکستان میں بھی محسوس کیے جا رہے ہیں، جس کے تحت پیٹرول اور ڈیزل دونوں کی قیمتیں بڑھا دی گئی ہیں۔
وزارت خزانہ کی جانب سے جاری کردہ نوٹیفکیشن کے مطابق، پیٹرول کی فی لیٹر قیمت میں 5 روپے 36 پیسے اضافہ کیا گیا ہے، جس کے بعد نئی قیمت 272 روپے 15 پیسے مقرر کی گئی ہے۔ اسی طرح، ہائی اسپیڈ ڈیزل کی قیمت میں 11 روپے 37 پیسے فی لیٹر کا اضافہ کیا گیا ہے، اور اب یہ 284 روپے 35 پیسے فی لیٹر دستیاب ہوگا۔
یہ قیمتیں 16 جولائی سے 31 جولائی 2025 تک نافذ العمل رہیں گی۔
ذرائع کے مطابق، مٹی کے تیل کی قیمت میں 3 روپے 10 پیسے فی لیٹر اور لائٹ ڈیزل آئل کی قیمت میں 1 روپے 85 پیسے فی لیٹر کمی کی گئی ہے، جس سے کچھ حد تک عوام کو ریلیف ملنے کی امید ہے۔
