وزیراعظم نے مظفر آباد میں جدیدکینسر اسپتال اور میڈیکل کالج کا افتتاح کردیا

وزیراعظم شہباز شریف نے مظفرآباد میں جدید کینسر اسپتال اور میڈیکل کالج کا افتتاح کیا

وزیراعظم شہباز شریف نے مظفرآباد میں جدید کینسر اسپتال اور میڈیکل کالج کا افتتاح کر دیا۔ افتتاحی تقریب سے خطاب میں انہوں نے کہا کہ وہ خود بھی کینسر جیسے مرض کا شکار رہ چکے ہیں، اس لیے انہیں اس بات کا اندازہ ہے کہ وسائل سے محروم افراد کے لیے کینسر کا علاج کتنا مشکل ہوتا ہے۔

حکومت نے عادل راجہ کا نام کالعدم اشخاص کی فہرست میں شامل کر دیا

وزیراعظم نے کہا کہ اس شاندار ادارے کا افتتاح ان کے لیے اعزاز کی بات ہے۔ کینسر اسپتال سے علاج کے لیے دیگر شہروں کا رخ کرنے والوں کو اب مقامی سطح پر بہترین طبی سہولتیں میسر آئیں گی۔

انہوں نے زور دیتے ہوئے کہا کہ دکھی انسانیت کی خدمت سے بڑھ کر کوئی کام نہیں ہے۔ یہ منصوبہ خطے کے عوام کو جدید ترین طبی سہولیات فراہم کرنے کی جانب ایک اہم قدم ہے۔