اسلام آباد (نیوزڈیسک)تربت نیول بیس پر دہشت گردوں کا حملہ ناکام بنانے پر وفاقی وزیر داخلہ محسن نقوی نے سیکورٹی فورسز کو خراج تحسین پیش کرتے ہوئے کہا ہے کہ سیکیورٹی فورسز نے بروقت کاروائی کرکے ایک سانحہ سے بچایا۔
تفصیلات کے مطابق منگل کو جاری ایک بیان میں تربت نیول بیس پر دہشت گردوں کا حملہ ناکام بنانے پر وفاقی وزیر داخلہ محسن نقوی نے سیکورٹی فورسز کو خراج تحسین پیش کرتے ہوئے کہا کہ سیکیورٹی فورسز نے بروقت کاروائی کرکے ایک سانحہ سے بچایا۔
انہوں نے کہاکہ سکیورٹی فورسز نے بہادری سے دہشتگردوں کے مذموم عزائم کو خاک میں ملایا اور دہشتگردوں کو جہنم واصل کیا۔
بیان میں کہاگیا کہ ہمیں اپنی سکیورٹی فورسز کے بہادر جوانوں پر فخر ہے۔
وزیر داخلہ وفاقی وزیر داخلہ محسن نقوی نے شہید سپاہی نعمان فرید کی قربانی کو خراج عقیدت پیش کیا ۔
انہوں نے کہاکہ دہشتگردی کے خلاف جنگ میں پوری قوم مسلح افواج کے ساتھ شانہ بشانہ کھڑی ہے۔دہشتگردی کے ناسور کو جڑ سے ختم کرکے دم لیں گے۔
