کراچی(نیوزڈیسک)انسپکٹر جنرل (آئی جی) سندھ پولیس راجہ رفعت مختار نے ایس ایس پی سی ٹی ڈی فدا حسین شاہ کے خلاف انکوائری کا حکم دے دیا۔
ایک تاجر نے فدا حسین شاہ پر غیرقانونی گرفتاری اور حراست میں رکھنے کا الزام لگایا ہے۔
تاجر عباس اللّٰہ کی تحریری شکایت پر ہوم سیکریٹری نے آئی جی سندھ کو انکوائری کی ہدایت کی۔
تاجر نے الزام لگایا ہے کہ ایس ایس پی فدا حسین شاہ نے مجھے غیرقانونی حراست میں رکھا اور تشدد کیا، انہوں نے پیسوں کی لین دین کے لیے اکاؤنٹ نمبر اور ایڈوانس میں چیک مانگے۔
عباس اللّٰہ کا کہنا ہے کہ اکاؤنٹ نمبر اور ایڈوانس میں چیک نہ دینے پر غیرقانونی گرفتار اور حراست میں تشدد کرایا۔
