راولپنڈی میں علیمہ خان نے کہا ہے کہ سرکاری ڈاکٹر کی تیار کردہ رپورٹ ان کی بہن کے مطابق درست نہیں تھی۔ ان کا کہنا تھا کہ بتایا گیا کہ پنجاب کے وزیر داخلہ محسن نقوی نے گارنٹی دی تھی کہ عمران خان کو الشفاء اسپتال منتقل کیا جائے گا۔
امریکی صدر ضرورت پڑنے پر ایران کیخلاف طاقت کا استعمال کرسکتے ہیں: وائٹ ہاؤس
علیمہ خان نے داہگل ناکہ پر میڈیا سے گفتگو کرتے ہوئے کہا کہ بشریٰ بی بی کی بھابھی نے بھی ان سے ملاقات کی ہے۔ ان کے مطابق بانی پی ٹی آئی کے طبی ڈیٹا کا ریکارڈ ان کے ذاتی معالجین کے پاس موجود ہے۔ انہوں نے بتایا کہ پہلے کہا گیا تھا کہ دو ڈاکٹرز کو جیل بھیج دیا جائے گا، بعد میں بتایا گیا کہ محسن نقوی سے کانفرنس کال ہوئی اور الشفاء اسپتال منتقلی کی ضمانت دی گئی۔
علیمہ خان نے سوال اٹھایا کہ بانی پی ٹی آئی کو قید تنہائی میں کیوں رکھا گیا ہے اور مطالبہ کیا کہ عمران خان کا مکمل طبی معائنہ ان کی فیملی اور ذاتی ڈاکٹروں کی موجودگی میں کیا جائے۔
انہوں نے مزید کہا کہ سرکاری ڈاکٹر کی رپورٹ پر اعتماد نہیں کیا جا سکتا جب تک ذاتی معالجین موجود نہ ہوں۔ ان کا کہنا تھا کہ اگر کسی بیماری کی تشخیص کرنی ہے تو پہلے بیماری کی وجہ سامنے لائی جائے کیونکہ رپورٹ میں بیماری کا واضح نام موجود نہیں ہے اور جب تک اصل مسئلہ معلوم نہ ہو علاج شروع نہیں ہو سکتا۔
