آئی سی سی مینز ٹی ٹوئنٹی ورلڈکپ 2026 میں پاکستان کی نمیبیا کے خلاف فتح کے بعد سپر 8 مرحلے کی لائن اپ مکمل ہو گئی، جبکہ 12 ٹیموں کا ایونٹ میں سفر ختم ہو گیا۔
بدھ کو کھیلے گئے میچ میں پاکستان قومی کرکٹ ٹیم نے نمیبیا کرکٹ ٹیم کو 102 رنز سے شکست دے کر سپر 8 مرحلے کے لیے کوالیفائی کر لیا۔
سندھ حکومت نے پہلی بار اسکولوں کو ملنے والے بجٹ کی تفصیلات جاری کردیں
آئی سی سی مینز ٹی ٹوئنٹی ورلڈکپ میں بھارت اور سری لنکا میں مجموعی طور پر 20 ٹیموں نے حصہ لیا، جن میں سے گروپ مرحلے کے بعد 8 ٹیمیں سپر 8 میں پہنچ گئیں جبکہ 12 ٹیمیں ایونٹ سے باہر ہو گئیں۔
گروپ مرحلے کا آخری میچ 20 فروری کو آسٹریلیا کرکٹ ٹیم اور عمان کرکٹ ٹیم کے درمیان کھیلا جائے گا، جس کے بعد 21 فروری سے سپر 8 مرحلے کا آغاز ہوگا۔
سپر 8 کے پہلے گروپ میں بھارت کرکٹ ٹیم، جنوبی افریقا کرکٹ ٹیم، ویسٹ انڈیز کرکٹ ٹیم اور زمبابوے کرکٹ ٹیم شامل ہیں۔
دوسرے گروپ میں پاکستان، سری لنکا کرکٹ ٹیم، انگلینڈ کرکٹ ٹیم اور نیوزی لینڈ کرکٹ ٹیم شامل ہیں۔
پاکستان کے سپر 8 مرحلے میں میچز نیوزی لینڈ کے خلاف 21 فروری، انگلینڈ کے خلاف 24 فروری اور سری لنکا کے خلاف 28 فروری کو ہوں گے۔
