مکہ مکرمہ میں شدید دھوپ اور بلند درجہ حرارت کے باوجود مسجد الحرام کے مطاف کا سنگ مرمر حیرت انگیز طور پر ٹھنڈا رہتا ہے۔
یہ کوئی اتفاق نہیں بلکہ قدرتی مواد کے درست انتخاب اور جدید انجینئرنگ ڈیزائن کا مربوط نتیجہ ہے، جو لاکھوں زائرین کو عبادت کے دوران آرام دہ ماحول فراہم کرتا ہے۔
سعودی گزٹ کے مطابق مسجد الحرام کے مطاف، جہاں خانۂ کعبہ کے گرد طواف کیا جاتا ہے، میں استعمال ہونے والا سنگ مرمر عام پتھر نہیں بلکہ خصوصی معیار کا قدرتی ماربل ہے جو سرد پہاڑی علاقوں سے حاصل کیا گیا ہے۔
دونوں جانب سے رضا مندی ہوگئی تو ڈیل ہوجائیگی، عمران سے ڈیل سے متعلق سوال پر حنیف عباسی کا جواب
اس سنگ مرمر کی نمایاں خصوصیت اس کی کم حرارت جذب کرنے کی صلاحیت ہے۔ یہ دھوپ کی گرمی کو اپنے اندر محفوظ کرنے کے بجائے زیادہ تر واپس منعکس کر دیتا ہے۔ اس کا ہلکا رنگ بھی اہم کردار ادا کرتا ہے، کیونکہ گہرے رنگوں کے مقابلے میں یہ حرارتی شعاعوں کو کم جذب کرتا ہے اور یوں سطح کا درجہ حرارت معتدل رہتا ہے۔
رپورٹ کے مطابق صرف مواد ہی نہیں بلکہ انجینئرنگ ڈیزائن بھی ٹھنڈک برقرار رکھنے میں بنیادی کردار ادا کرتا ہے۔ سنگ مرمر کی سلیبوں کی موٹائی خاص انداز سے رکھی گئی ہے جبکہ تنصیب کے دوران ہوا کے خلا شامل کیے گئے ہیں۔ یہ خلا ہوا کی گردش کو ممکن بناتے ہیں، جس سے حرارت کی منتقلی کم ہوتی ہے اور گرمی تیزی سے خارج ہو جاتی ہے۔
