پاکستان کی معروف اداکارہ اقرا عزیز اور ان کے شوہر یاسر حسین کے ہاں دوسرے بچے کی پیدائش ہوئی ہے، جس کی خوشخبری خود یاسر حسین نے سوشل میڈیا پر دی ہے۔
گل پلازہ سانحہ، کامران ٹیسوری کا فائر سیفٹی سے متعلق مفت تربیتی پروگرام شروع کرنیکا اعلان
یاسر حسین نے ہفتے کی شب 24 جنوری کو انسٹاگرام اسٹوری کے ذریعے بتایا کہ ان کے گھر بیٹی کی ولادت ہوئی ہے، اسٹوری میں یہ بھی بتایا گیا کہ بچی 24 جنوری کو ہی پیدا ہوئی۔ اداکار کی یہ پوسٹ دیکھتے ہی سوشل میڈیا پر وائرل ہوگئی، جہاں شوبز شخصیات اور مداحوں کی جانب سے جوڑے کو مبارکباد دی جا رہی ہے۔
واضح رہے کہ اقرا عزیز اور یاسر حسین نے چند ہفتے قبل مداحوں کو جلد خوشخبری سنانے کا عندیہ دیا تھا۔ دونوں کا ایک بیٹا بھی ہے جو جولائی 2021 میں پیدا ہوا تھا، جبکہ اقرا اور یاسر کی شادی دسمبر 2019 میں کراچی میں ہوئی تھی، جس میں شوبز انڈسٹری کے متعدد معروف فنکاروں نے شرکت کی تھی۔
