مظفرآباد میں تیسری چیف آف آرمی اسٹاف نیشنل انٹر کلب ہاکی چیمپئن شپ 2026 کا پروقار اور شاندار انداز میں آغاز کر دیا گیا ہے۔ تفصیلات کے مطابق یہ ایونٹ 20 جنوری سے شروع ہو چکا ہے اور 28 جنوری 2026 تک جاری رہے گا، جس میں ہاکی کے بہترین مقابلے دیکھنے کو ملیں گے۔
وزیر داخلہ محسن نقوی، وزیر مملکت طلال چوہدری سے مفتی منیب الرحمن کی اہم ملاقات
چیمپئن شپ کے پہلے روز منعقد ہونے والے مختلف ٹیموں کے میچز میں ملک بھر سے آئے ہوئے باصلاحیت نوجوانوں نے بھرپور شرکت کی اور اپنی پیشہ ورانہ قابلیت اور کھیلوں کی صلاحیتوں کا لوہا منوایا۔ اس افتتاحی تقریب میں سیکٹر کمانڈر آئی ایس پی آر اور آزاد کشمیر کے مشیر احمد صغیر چغتائی نے بطور مہمانِ خصوصی شرکت کر کے کھلاڑیوں کی حوصلہ افزائی کی۔
ایونٹ میں شریک کھلاڑیوں نے مظفرآباد میں اس سطح کی چیمپئن شپ کے انعقاد پر پاک فوج کا شکریہ ادا کیا۔ شرکاء کا کہنا تھا کہ ملک میں کھیلوں کے فروغ اور نوجوان نسل کے لیے مثبت اور سازگار مواقع فراہم کرنے میں پاک فوج کا کردار انتہائی اہم اور قابلِ ستائش ہے۔
پاک فوج کی جانب سے یہ پیغام دیا گیا ہے کہ وہ نوجوانوں کے لیے بہترین مواقع کی فراہمی اور معاشرے میں مثبت سرگرمیوں کے تسلسل کو یقینی بنانے کے لیے پوری طرح پرعزم ہے۔ اس قسم کے ایونٹس کا مقصد نوجوانوں کی صلاحیتوں کو نکھارنا اور انہیں کھیلوں کے میدان میں آگے بڑھنے کے بھرپور مواقع فراہم کرنا ہے۔
