پاکستان اٹامک انرجی کمیشن (پی اے ای سی) نے نیشنل الیکٹرک پاور ریگولیٹری اتھارٹی (نیپرا) کی 149 بجلی گھروں کی سالانہ کارکردگی رپورٹ 2024/25 میں پہلا درجہ حاصل کیا ہے۔
رپورٹ کے مطابق، پی اے ای سی کے زیر انتظام **چشمہ اور کراچی نیو کلیئر پاور پلانٹس** کی کارکردگی بہترین قرار پائی گئی ہے۔ دونوں پلانٹس نے مسلسل بہتر کارکردگی کا مظاہرہ کیا، جو ان کے مضبوط انتظامی ڈھانچے اور مؤثر حکمت عملی کی عکاسی کرتا ہے۔
2026 کیلئے دنیا کے طاقتور ترین پاسپورٹس میں پاکستان کا نمبر کیا رہا؟
رپورٹ میں زور دیا گیا کہ جوہری بجلی گھروں کی اعلیٰ کارکردگی توانائی کے نظام کے استحکام، عوامی اعتماد اور ملازمین کی حفاظت کے لیے ایک اہم سنگ میل ہے۔ ان پلانٹس کو محفوظ، ماحول دوست اور جدید توانائی کے نظام کی کامیاب مثال قرار دیا گیا۔
نیپرا نے رپورٹ میں بجلی گھروں کی صحت، حفاظت اور ماحولیاتی کارکردگی کا تفصیلی جائزہ پیش کیا۔ اس میں واضح کیا گیا کہ مضبوط حفاظتی نظام، پیشہ ورانہ انتظام اور مسلسل بہتری کے ذریعے ہی ایسی اعلیٰ کارکردگی حاصل کی جا سکتی ہے۔
یہ کامیابی پاکستان کے جوہری توانائی کے شعبے کے لیے ایک اہم اعزاز ہے، جو ملک کی توانائی کی پیداوار میں استحکام اور خود انحصاری کے سفر میں ایک مثبت قدم کی نشاندہی کرتی ہے۔
