حکومتِ پاکستان کی جانب سے سال 2026 کے لیے سرکاری تعطیلات کا مکمل شیڈول جاری کر دیا گیا ہے جس میں قومی، مذہبی اور بینک تعطیلات شامل ہیں۔ جاری کردہ معلومات کے مطابق نئے سال میں مجموعی طور پر تقریباً 17 سرکاری تعطیلات ہوں گی، جن میں یومِ کشمیر، عید الفطر، یومِ پاکستان، یومِ مزدور، عید الاضحیٰ، یومِ آزادی، عید میلاد النبی ﷺ، یومِ اقبال، قائدِ اعظم ڈے اور کرسمس جیسے اہم مواقع شامل ہیں۔
جنگی جنون میں مبتلا بھارت کا پاکستانی سرحد کے قریب فضائی مشقوں کا اعلان
شیڈول کے مطابق اہم تعطیلات میں 5 فروری (جمعرات) کو یومِ کشمیر، 21 سے 23 مارچ (ہفتہ تا پیر) عیدِ الفطر اور 23 مارچ (سوموار) کو ہی یومِ پاکستان کی چھٹی ہوگی۔ اسی طرح 1 مئی (جمعہ) کو یومِ مزدور، 27 اور 28 مئی کو عید الاضحیٰ جبکہ 28 مئی (جمعرات) کو یومِ تکبیر منایا جائے گا۔ عاشورہ کی چھٹیاں 25 اور 26 جون کو ہوں گی، جبکہ 14 اگست (جمعہ) کو یومِ آزادی اور 25 اگست (منگل) کو عید میلاد النبی ﷺ کی تعطیل ہوگی۔ سال کے اختتام پر 9 نومبر (پیر) کو یومِ اقبال اور 25 دسمبر (جمعہ) کو قائدِ اعظم ڈے و کرسمس کی چھٹی ہوگی، جبکہ مسیحی ملازمین کے لیے 26 دسمبر (ہفتہ) کو کرسمس کے بعد کی چھٹی بھی شامل ہے۔
ماہرین کا کہنا ہے کہ چونکہ مذہبی تعطیلات کا انحصار چاند کی رویت پر ہوتا ہے، اس لیے ان کی تاریخوں میں معمولی تبدیلی کا امکان موجود ہے۔ شہریوں اور دفاتر کو مشورہ دیا گیا ہے کہ وہ اپنی حتمی منصوبہ بندی سرکاری نوٹیفیکیشن کی روشنی میں کریں۔ اس کے علاوہ معاشی خبروں میں ڈالر کی قیمت میں معمولی کمی ریکارڈ کی گئی ہے جبکہ سفارتی محاذ پر اسحاق ڈار نے اپنے سعودی ہم منصب سے رابطہ کر کے تعلقات کو مزید مستحکم بنانے کے عزم کا اعادہ کیا ہے۔
