جنگی جنون میں مبتلا بھارت کا پاکستانی سرحد کے قریب فضائی مشقوں کا اعلان

بھارتی فضائیہ نے پاکستان کی سرحد کے قریب بڑے پیمانے پر فضائی مشقوں کے انعقاد کا اعلان کر دیا ہے، جن کا مقصد فضائی صلاحیتوں کا جائزہ لینا اور آپریشنل تیاریوں کو مزید مضبوط بنانا بتایا جا رہا ہے۔ بھارتی میڈیا کے مطابق یہ مشقیں سرحدی ریاستوں میں منعقد کی جائیں گی جن میں لڑاکا طیارے، ہیلی کاپٹرز اور ائیر ڈیفنس سسٹمز حصہ لیں گے۔

عمران خان مذاکرات پر یقین ہی نہیں رکھتے، رانا ثنااللہ

ان مشقوں کے دوران فضائی حملوں کی مشق، ہنگامی صورتحال سے نمٹنے کی تیاری اور جدید جنگی حکمتِ عملیوں کا جائزہ لیا جائے گا۔ بھارتی فضائیہ کے حکام کے مطابق یہ معمول کی ٹریننگ مشقیں ہیں جن کا مقصد اہلکاروں کی مہارت بڑھانا ہے، تاہم سیکیورٹی ماہرین اس پیشرفت کو خطے کی موجودہ صورتحال کے تناظر میں اہم قرار دے رہے ہیں۔

دوسری جانب بنگلادیش کے کھلاڑیوں کو بھارت میں کھیلنے کی اجازت نہ دینے کے حوالے سے شیو سینا کی دھمکی بھی سامنے آئی ہے۔ پاکستانی حکام کی جانب سے بھارتی فضائی مشقوں کے اس اعلان پر تاحال کوئی باضابطہ ردِعمل سامنے نہیں آیا، تاہم تجزیہ کاروں کا کہنا ہے کہ دونوں ممالک کے درمیان تناؤ کی صورتحال میں کسی بھی عسکری سرگرمی کو خطے کے امن کے لیے حساس تصور کیا جاتا ہے۔