وفاقی وزیر داخلہ محسن نقوی نے کہا ہے کہ اسلام آباد میں یکم جنوری سے بغیر ایم ٹیگ گاڑیوں کے داخلے پر پابندی ہو گی۔
وزیر داخلہ کی زیر صدارت سیف سٹی ہیڈ کوارٹرز میں منعقد ہونے والے اجلاس میں شہریوں کے جان و مال کے تحفظ کے اقدامات کا جائزہ لیا گیا۔ وزیر داخلہ نے کیپٹل اسمارٹ سٹی پر کام تیز کرنے کی ہدایت کی اور واضح کیا کہ یکم جنوری سے اسلام آباد میں بغیر ایم ٹیگ گاڑیوں کے داخلے پر پابندی لاگو ہوگی۔
پی ٹی آئی سیاسی ناکامیاں چھپانے کیلئے سوشل میڈیا پر جھوٹ کا سہارا لیتی ہے: وزیر مملکت قانون
انہوں نے کہا کہ اسلام آباد پاکستان کا پہلا اسمارٹ سٹی بنے گا۔ وزیر داخلہ نے اسلام آباد سیف سٹی کو کیپٹل اسمارٹ سٹی بنانے کا جامع پلان بھی طلب کر لیا۔
محسن نقوی اور وزیر مملکت طلال چودھری نے سیف سٹی ہیڈ کوارٹرز کا دورہ کیا، جہاں انہوں نے ڈیجیٹل وال پر شہر کی مانیٹرنگ کے نظام کا جائزہ لیا۔ وزیر داخلہ نے جدید ٹیکنالوجی کے ذریعے امن عامہ کے اقدامات کا مشاہدہ کیا اور کنٹرول روم میں اسپیشل چینی ڈیسک پر سیکیورٹی سرویلنس کا معائنہ بھی کیا۔
