**احسن اقبال نے لائیو انٹرویو میں خلل کی وضاحت کی، کہا: ‘معاملہ ختم، غیرضروری سیاست نہ ہو’**
وفاقی وزیر برائے منصوبہ بندی احسن اقبال نے گزشتہ روز ایک نجی ٹی وی چینل کے لائیو پروگرام کے دوران اچانک ان کے انٹرویو میں خلل پڑنے کے واقعہ کی وضاحت کردی ہے۔
واضح رہے کہ اس دوران وزیر کا موبائل فون اچانک بند ہوگیا تھا، جس کے بعد سوشل میڈیا پر اس واقعے کے حوالے سے سوالات اور قیاس آرائیاں شروع ہوگئی تھیں۔
چین: لڑکے نے نمائش کے دوران لاکھوں ڈالر مالیت کا سونے کا تاج توڑ دیا
احسن اقبال نے معاملے کی وضاحت کرتے ہوئے کہا کہ یہ محض ایک مختصر رکاوٹ تھی جب ان کے پاس موجود ایک شخص بحث میں مصروف تھا اور اسے یہ علم نہیں تھا کہ وزیر لائیو پروگرام میں شامل ہیں۔ انہوں نے بتایا کہ کچھ ہی دیر بعد وہ دوبارہ شو میں شامل ہوگئے تھے۔
انہوں نے زور دے کر کہا کہ اس معمولی واقعے کو بڑھا چڑھا کر نہیں دیکھا جانا چاہیے اور امید ظاہر کی کہ اس پر غیر ضروری سیاسی رنگ نہیں چڑھایا جائے گا۔
ادھر وزیر اطلاعات عطا تارڑ نے بھی اپنے ایک سوشل میڈیا پیغام میں اس واقعے کی تصدیق کرتے ہوئے کہا کہ انہوں نے احسن اقبال سے بات کی ہے، جس میں انہوں نے بتایا کہ محض ایک بچہ غیر متوقع طور پر کمرے میں داخل ہوا تھا۔ تارڑ کے مطابق احسن اقبال نے انہیں بتایا کہ سب کچھ ٹھیک ہے اور وہ دوبارہ پروگرام سے بھی جڑ گئے تھے۔
دونوں وزراء کے بیانات کے بعد یہ معاملہ واضح ہوگیا ہے کہ یہ کوئی سنگین واقعہ نہیں تھا، بلکہ ایک معمولی خلل تھا جسے بعد میں فوری طور پر دور کردیا گیا۔
