ریاض: سعودی عرب میں 71 کلو میتھایمفیٹامین کے ساتھ 6 پاکستانی گرفتار
سعودی وزارت داخلہ کے مطابق جنرل ڈائریکٹوریٹ آف نارکوٹکس کنٹرول (جی ڈی این سی) نے زکوٰۃ، ٹیکس اینڈ کسٹمز اتھارٹی کے تعاون سے ریاض ریجن میں 6 پاکستانی شہریوں کو 71 کلوگرام میتھایمفیٹامین کے ساتھ گرفتار کیا۔ سکیورٹی ترجمان طلال الشلہوب نے مزید بتایا کہ عمانی حکام کے ساتھ اشتراک سے دو اسمگلنگ کی کوششیں ناکام بنائی گئیں اور 200 کلوگرام سے زائد منشیات ضبط کی گئیں۔ سعودی حکام نے کہا کہ منشیات کے ذریعے ملکی سلامتی اور نوجوانوں کو نشانہ بنانے والی سرگرمیوں پر کڑی نظر رکھی جائے گی اور ملوث عناصر کو قانون کے مطابق سزا دی جائے گی۔
