صدر زرداری کی بغداد میں زیارات مقدسہ پر حاضری ، امت مسلمہ کے اتحاد اور سلامتی کیلئے دعا

صدر مملکت آصف علی زرداری نے بغداد میں زیاراتِ مقدسہ پر حاضری دی اور امتِ مسلمہ کے امن، اتحاد اور سلامتی کے لیے دعا کی۔

ایوانِ صدر سے جاری بیان کے مطابق صدر مملکت نے بغداد میں حضرت شیخ عبدالقادر جیلانیؒ کے مزار پر فاتحہ خوانی کی۔ انہوں نے کاظمیہ مقدسہ میں امامِ موسیٰ الکاظمؑ اور امامِ محمد التقیٰ الجوادؑ کے روضوں پر بھی حاضری دی۔

پی ٹی آئی کے اہم رہنما مسلم لیگ (ن) میں شامل

صدر مملکت نے روضۂ کاظمیہ پر حاضری کے دوران امتِ مسلمہ کے امن، اتحاد اور سلامتی کے لیے دعا کی اور وہاں موجود زائرین کی کتاب میں اپنے تاثرات بھی درج کیے۔

صدر آصف علی زرداری نے آئمۂ اہلِ بیتؑ کی تعلیمات کو علم، صبر، حکمت اور اخلاقی قوت کا مستقل سرچشمہ قرار دیا۔ انہوں نے امامِ اعظم ابو حنیفہؒ کے مزار پر بھی حاضری دی اور تمام مزارات کے منتظمین اور مبلغین سے ملاقاتیں بھی کیں۔