ریاست کے علاوہ کوئی جہاد کا حکم یا فتویٰ نہیں دے سکتا، فیلڈ مارشل عاصم منیر

چیف آف ڈیفنس فورسز فیلڈ مارشل سید عاصم منیر نے قومی علماء مشائخ کانفرنس میں خطاب کرتے ہوئے کہا کہ ریاست کے علاوہ کوئی بھی جہاد کا حکم یا فتویٰ نہیں دے سکتا۔ انہوں نے واضح کیا کہ افغان طالبان کی پشت پناہی سے دہشت گردی کے ذریعے پاکستانی شہریوں اور بچوں کو نشانہ بنایا جا رہا ہے۔

چیئرمین پی سی بی کا انڈر 19 ایشیا کپ جیتنے والی ٹیم کے ہرکھلاڑی کو 50 لاکھ روپے دینےکا اعلان

فیلڈ مارشل نے کہا کہ افغانستان سے آنے والے فتنہ الخوارج میں 70 فیصد افغانی شامل ہیں، اور افغانستان کو فتنہ الخوارج اور پاکستان میں سے کسی ایک کا انتخاب کرنا ہوگا۔ انہوں نے اس بات پر زور دیا کہ مذہبی امور میں صرف ریاست کو اختیار حاصل ہے۔

انہوں نے پاکستان اور ریاست مدینہ کے درمیان مماثلت بیان کرتے ہوئے کہا کہ اللہ نے پاکستان کو محافظ الحرمین کا شرف دیا ہے۔ فیلڈ مارشل نے علم و فکر کی اہمیت پر بھی زور دیا اور کہا کہ جن قوموں نے اپنی علمی میراث چھوڑ دی وہ زبوں حالی کا شکار ہو گئیں۔