اسلام آباد میں حکومت نے وفاق کی سطح پر سائبر سکیورٹی اتھارٹی قائم کرنے کا فیصلہ کیا ہے۔
تفصیلات کے مطابق سائبر سکیورٹی اتھارٹی کے قیام کے لیے وزارت آئی ٹی نے سائبر سکیورٹی ایکٹ کا ابتدائی مسودہ تیار کر کے اسٹیک ہولڈرز کو مشاورت کے لیے بھجوا دیا ہے۔
ملتان: بہاء الدین زکریا یونیورسٹی کے ہوسٹل سےطالب علم کی لاش برآمد
وزارت آئی ٹی کے مطابق نیشنل سائبر سکیورٹی پالیسی ملک گیر ڈیجیٹل تحفظ کا فریم ورک فراہم کرتی ہے اور اس پالیسی پر ڈیجیٹل اکانومی انہانسمنٹ پروگرام کے تحت عمل جاری ہے۔
وزارت آئی ٹی کی دستاویز میں بتایا گیا ہے کہ سکیور ڈیٹا ایکسچینج لیئر اور ڈیجیٹل شناخت کے منصوبوں پر پیش رفت ہوئی ہے جبکہ نادرا، ایف بی آر اور ٹیلی کام کے ڈیٹا کو اہم ڈیجیٹل انفرا اسٹرکچر قرار دیا گیا ہے۔
حکام کے مطابق اتھارٹی اہم قومی انفرا اسٹرکچر کے لیے سائبر سکیورٹی اقدامات تجویز کرے گی اور ملک میں سائبر سکیورٹی اقدامات نافذ کرے گی۔
