راولپنڈی میں سہ فریقی سیریز کے دوران پاکستان کے کپتان بابر اعظم نے ٹی20 انٹرنیشنل کرکٹ میں سب سے زیادہ نصف سنچریاں بنانے کا بھارتی بلے باز ویرات کوہلی کا ریکارڈ برابر کر دیا ہے۔
کراچی میں 31 ارب روپے کی 756 ترقیاتی اسکیمیں تیزی سے جاری ہیں، شرجیل میمن
زمبابوے کے خلاف میچ میں پاکستان نے پہلے بیٹنگ کرتے ہوئے مقررہ اوورز میں پانچ وکٹوں پر 195 رنز بنائے۔ اس اسکور میں اوپنر صاحبزادہ فرحان اور بابر اعظم کی نصف سنچریوں نے کلیدی کردار ادا کیا۔
صاحبزادہ فرحان نے سیریز میں مسلسل دوسری نصف سنچری بناتے ہوئے 41 گیندوں پر چار چوکوں اور تین چھکوں کی مدد سے 63 رنز بنائے۔ فخر زمان نے اختتامی اوورز میں صرف دس گیندوں کا سامنا کرتے ہوئے ایک چوکا اور تین چھکوں کی مدد سے 27 رنز بنائے۔
بابر اعظم نے 52 گیندوں پر سات چوکوں اور دو چھکوں کی مدد سے 74 رنز بنائے، جو ان کے کیریئر کی 38 ویں نصف سنچری ہے۔ اس سے قبل بھارت کے سابق کپتان ویرات کوہلی نے 38 نصف سنچریوں کا ریکارڈ بنایا تھا۔
بابر اعظم نے 134 میچوں کی 127 اننگز میں 38 نصف سنچریاں بنائی ہیں اور ٹی20 کرکٹ میں سب سے زیادہ 4,392 رنز بنانے کا اعزاز رکھتے ہیں۔ اس کے علاوہ وہ تین سنچریوں کے ساتھ 50 یا اس سے زائد رنز کی سب سے زیادہ اننگز کھیلنے کا ریکارڈ بھی رکھتے ہیں۔
ویرات کوہلی نے 125 میچوں کی 117 اننگز میں 38 نصف سنچریاں بنائی ہیں اور صرف ایک سنچری ہے۔ تیسرے نمبر پر روہت شرما نے 32 نصف سنچریاں بنا رکھی ہیں، جبکہ محمد رضوان 30 نصف سنچریوں کے ساتھ چوتھے نمبر پر ہیں۔
بابر اعظم نے ٹی20 کرکٹ میں سب سے زیادہ 464 چوکے لگانے کا ریکارڈ بھی بنایا ہے۔ اس فہرست میں دوسرے نمبر پر آئرلینڈ کے پال اسٹرلنگ ہیں جنہوں نے 430 چوکے مارے ہیں۔
