اپوزیشن اتحاد کا آج سے آئین کی بحالی کی تحریک شروع کرنے کا اعلان

اپوزیشن اتحاد نے آئین کی بحالی کی تحریک شروع کرنے کا اعلان کرتے ہوئے آج پارلیمنٹ سے سپریم کورٹ تک واک کا اعلان کیا ہے۔

پی ٹی آئی رہنما اسد قیصر نے کہا کہ امن و امان کا قیام سکیورٹی اداروں اور حکومت کی ذمہ داری ہے لیکن حکومت سارا دن مخالفین کے خلاف کیسز بنانے اور ناجائز آئینی ترامیم کرنے میں مصروف ہے۔

پوری قوم دہشت گردی کے خلاف جنگ میں اپنی افواج کے ساتھ کھڑی ہے، وزیراعظم

مجلس وحدت المسلمین کے علامہ راجا ناصر عباس نے کہا کہ یہ ملک میں باہر نکلنے کا وقت ہے تاکہ آئندہ نسلوں کو بچایا جا سکے۔

دوسری جانب لاہور ہائیکورٹ بار کا جنرل ہاؤس اجلاس ہوا جس میں وکلا نے احتجاج کیا اور ریلی نکالی، اس کے علاوہ ستائیسویں ترمیم کے خلاف نعرے بھی لگائے گئے۔

وکلا نے جی پی او چوک سے ججز گیٹ اشارے تک ریلی نکالی، اس موقع پر سلمان اکرم راجا نے کہا کہ ہمیں اپنی نسلوں کے لیے اٹھنا ہو گا، گھروں میں نہیں بیٹھ سکتے۔