نیویارک: نیویارک کے نومنتخب میئر ظہران ممدانی کی تاریخی فتح کے بعد امریکی صدر ڈونلڈ ٹرمپ نے اپنا مؤقف نرم کر دیا اور ان کے ساتھ تعاون کا عندیہ دیا ہے۔
راولپنڈی، فیک نیوز پھیلانے کے الزام میں 3 افراد گرفتار
غیر ملکی خبر رساں ایجنسی کی رپورٹ کے مطابق انتخابی مہم کے دوران ٹرمپ نے خبردار کیا تھا کہ اگر ممدانی کامیاب ہوئے تو انہیں وفاقی منصوبوں کے لیے فنڈز نہیں دیے جائیں گے، تاہم اب انہوں نے کہا ہے کہ نیویارک کے میئر کے طور پر ممدانی کو شہر کی ترقی میں مدد دی جائے گی اور اس مقصد کے لیے وفاقی سطح سے کچھ تعاون ممکن ہے۔ سابق صدر نے میامی میں خطاب کرتے ہوئے کہا کہ وہ چاہتے ہیں نیویارک ترقی کرے، اس لیے ممدانی کی "تھوڑی بہت” مدد کی جائے گی، اور اگر ممدانی وفاقی حکومت کے ساتھ تعاون کریں گے تو انہیں فوائد حاصل ہوں گے۔
ایک انٹرویو میں ٹرمپ نے کہا کہ ممدانی کو واشنگٹن کے ساتھ نئے تعلقات قائم کرنے ہوں گے، اور تعاون نہ کرنے کی صورت میں انہیں نقصان اٹھانا پڑ سکتا ہے، البتہ وہ ممدانی سے بات کرنے کے لیے تیار ہیں۔
دریں اثنا، اسرائیلی وزیر نے نیو یارک کے نومنتخب مسلم میئر پر الزام عائد کیا ہے کہ وہ حماس کے حامی ہیں، جبکہ کچھ رپورٹس میں یہ دعویٰ بھی سامنے آیا ہے کہ ان کی کامیابی کو روکنے کے لیے بھاری رقوم خرچ کی گئی — اس بارے میں مزید تحقیقات اور تفصیلات سامنے آ رہی ہیں۔
