افغانستان کے ہندوکش خطے میں آنے والے ایک شدید زلزلے نے وسیع پیمانے پر تباہی پھیلا دی ہے۔ امریکی جیولوجیکل سروے کے مطابق ریکٹر اسکیل پر 6.3 شدت کے اس زلزلے کا مرکز صوبہ سمنگان کے ضلع خُلم سے تقریباً 22 کلومیٹر جنوب مغرب میں تھا، جبکہ زلزلے کی گہرائی 28 کلومیٹر ریکارڈ کی گئی۔
این ویڈیا کی جدید ترین اے آئی چِپس امریکا سے باہر نہیں جائیں گی، ٹرمپ
ابتدائی رپورٹس کے مطابق مختلف حادثات میں 20 افراد ہلاک اور 320 سے زائد زخمی ہوئے ہیں، جبکہ حکام نے ہلاکتوں میں مزید اضافے کا خدشہ ظاہر کیا ہے۔ زلزلے کے جھٹکے افغانستان کے شہر مزار شریف سمیت متعدد علاقوں میں محسوس کیے گئے، جہاں شہری خوفزدہ ہو کر رات کے وقت گھروں سے نکل کر کھلے مقامات کی طرف بھاگ گئے۔
زلزلے کے اثرات صرف افغانستان تک محدود نہیں رہے، بلکہ اس کے جھٹکے ترکمانستان، تاجکستان، ازبکستان اور ایران میں بھی محسوس کیے گئے۔ یہ خطہ گزشتہ برسوں میں متعدد تباہ کن زلزلوں سے دوچار رہا ہے، جہاں رواں سال اگست میں 6.0 شدت کے زلزلے میں دو ہزار سے زائد افراد ہلاک ہوئے تھے، جبکہ 2023 میں آنے والے زلزلے اور اس کے بعد کے جھٹکوں کے نتیجے میں کم از کم چار ہزار اموات ہوئی تھیں۔
