امریکی صدر ڈونلڈ ٹرمپ نے مالی سال 2026 کے لیے تارکین وطن کو ویزا دینے کی حد مقرر کر دی ہے۔ غیر ملکی خبر رساں ایجنسی کے مطابق ٹرمپ نے اعلان کیا کہ آئندہ سال صرف 7 ہزار 500 تارکین وطن امریکا میں داخلے کے اہل ہوں گے۔
جیب کتروں نے 70 سے زائد موبائل فونز چرالیے
صدر ٹرمپ کا کہنا تھا کہ امریکا کی تاریخ میں پہلی بار تارکین وطن کی تعداد میں نمایاں کمی کی جا رہی ہے تاکہ ملک کے مفادات کو تحفظ دیا جا سکے۔ انہوں نے کہا کہ جنوبی افریقہ میں سفید فام شہری نسل کشی کے خطرے سے دوچار ہیں، اسی لیے ان افراد کو پناہ دینے پر ترجیح دی جائے گی۔
فی الحال پناہ گزینوں کی سالانہ حد ایک لاکھ 25 ہزار ہے، تاہم 1980 کے ریفیوجی ایکٹ کے بعد پہلی مرتبہ ویزا کی یہ حد کم ترین سطح پر لائی گئی ہے۔
ٹرمپ انتظامیہ نے واضح کیا ہے کہ نئے قانون کے تحت مہاجرین کو امریکا میں داخلے سے قبل سخت سیکیورٹی جانچ سے گزرنا ہوگا، جبکہ ویزا کی منظوری کے لیے وزارتِ خارجہ اور ہوم لینڈ سیکیورٹی کی اجازت لازمی ہوگی۔
یہ اقدام امریکی تاریخ کے اُن امتیازی قوانین کی یاد دلاتا ہے جو ماضی میں مخصوص قومیتوں کے خلاف نافذ کیے گئے تھے۔ صدر ٹرمپ اس سے قبل جون میں غیر ملکیوں کے داخلے سے متعلق ایک نیا فرمان بھی جاری کر چکے ہیں۔
