وزارت مذہبی امورکا کہنا ہے کہ عمرہ زائرین جعل سازی سے بچنے کیلئے بکنگ سے پہلے تصدیق لازمی کریں، 11مصدقہ عمرہ کمپنیوں کی فہرست ویب سائٹ پر جاری کر دی گئی ہے۔
ترجمان وزارت مذہبی امور کا کہنا ہے کہ عمرہ کمپنیوں کی فہرست اسلامی سال 1447 ہجری کیلئے قابل عمل ہیں،عمرہ زائرین بکنگ سے پہلے وزارت مذہبی امور کی ویب سائٹ سے کمپنی کی لازمی تصدیق کریں۔
رقم کی ادائیگی صرف بینک کے ذریعے کمپنی کے اکاؤنٹ میں کی جائے،عمرہ زائرین کمپنی سے ادائیگی کی رسید اور معاہدے کی کاپی لازمی حاصل کریں۔
ویزہ، فضائی ٹکٹ، ٹرانسپورٹ اور رہائش پر مشتمل مکمل پیکج بک کرایا جائے۔
