واشنگٹن: امریکی صدر ڈونلڈ ٹرمپ نے چینی ویڈیو شیئرنگ پلیٹ فارم TikTok سے متعلق فیصلہ کن اقدام اٹھاتے ہوئے 17 ستمبر 2025 کو اس کی امریکی اثاثوں کی فروخت یا بندش کی آخری تاریخ مقرر کر دی ہے۔
یہ فیصلہ قومی سلامتی کے خدشات کے تحت کیا گیا ہے، جس کے مطابق TikTok کی مالک کمپنی ByteDance کو ہدایت کی گئی ہے کہ وہ امریکہ میں موجود TikTok کے تمام اثاثے کسی امریکی ادارے کو فروخت کرے یا پھر ملک میں اس کی سرگرمیاں بند کر دے۔
🔄 TikTok کا متبادل: نئی ایپ "M2”
TikTok کی انتظامیہ نے اس بندش کے ممکنہ اثرات کو کم کرنے کے لیے 5 ستمبر 2025 کو ایک نئی ایپ "M2” لانچ کرنے کا اعلان کیا ہے۔ رپورٹ کے مطابق یہ ایپ نئے کوڈ بیس پر تیار کی جا رہی ہے تاکہ اس کا ByteDance سے رابطہ کم سے کم ہو، اور امریکی ضوابط پر پورا اتر سکے۔
🌍 عالمی صورتحال: پاکستان اور دیگر ممالک میں کوئی بندش نہیں
فی الوقت TikTok پر پابندی کا یہ فیصلہ صرف امریکہ تک محدود ہے۔ پاکستان، بھارت یا دیگر ممالک میں TikTok کی بندش سے متعلق کوئی سرکاری اعلان سامنے نہیں آیا۔ اس لیے پاکستانی صارفین کے لیے فی الحال ایپ کی دستیابی میں کوئی رکاوٹ متوقع نہیں۔
