لاہور(نیوزڈیسک) سوئی ناردرن گیس پائپ لائنز لمیٹڈ کی جانب سے گیس چوری کے خلاف جاری کریک ڈاؤن کے تحت پنجاب، خیبر پختونخوا اور اسلام آباد کے مختلف علاقوں میں مزید 76 غیر قانونی گیس کنکشن منقطع کردیے گئے ہیں، جبکہ 20 لاکھ روپے سے زائد کے جرمانے بھی عائد کیے گئے ہیں۔
مزیدپڑھیں:گیس چوری کیخلاف کریک ڈائون،76کنکشن منقطع،16لاکھ سے زائد کے جرمانے
لاہور میں ٹیم نے گیس کے غیر قانونی استعمال پر 19 کنکشن منقطع کیے اور 6 لاکھ 80 ہزار روپے کے جرمانے عائد کیے۔ ملتان میں 25 غیر قانونی کنکشن منقطع کیے گئے۔ فیصل آباد میں ٹیم نے 4 کنکشن منقطع کیے اور 60 ہزار روپے جرمانہ عائد کیا۔
شیخوپورہ میں ٹیم نے 2 کنکشن منقطع کیے جبکہ گیس چوری کی مد میں 12 لاکھ روپے سے زائد کے جرمانے بھی عائد کیے۔ بہاولپور میں کمپریسر کے استعمال پر 24 کنکشن منقطع کیے گئے اور ساہیوال میں 2 کنکشن منقطع کیے گئے۔
