پاکستان سپورٹس بورڈ نے ایشین چیمپئن ٹرافی میں شرکت کیلئے ہاکی ٹیم کو این او سی جاری کر دیا، چیمپئن شپ 3 اگست سے بھارت کے شہر چنئی میں شروع ہوگی۔
ذرائع کے مطابق این او سی متعلقہ وزارتوں اور دیگر متعلقہ حکام کی منظوری کے بعد جاری کیا گیا، پاکستان کے علاوہ ایونٹ میں بھارت، جنوبی کوریا، جاپان، چین اور ملائیشیا کی ٹیمیں حصہ لے رہی ہیں۔
پاکستان اپنی مہم کا آغاز 3 اگست کو ملائیشیا کے خلاف میچ سے کرے گا، چیمپئن شپ کا فائنل 12 اگست کو کھیلا جائے گا۔
