لاہور(نمائندہ خصوصی)سابق وفاقی وزیر فواد چوہدری نے بھارت میں ہونے والے انتخابات اور اس کے نتائج پر اپنے خیالات کا اظہار کیا ہے۔
لاہور میں مقامی ہوٹل میں بھارتی انتخابات کے جنوبی ایشیا پر اثرات کے موضوع پر سیمینار سے خطاب کرتے ہوئے فواد چوہدری نے کہا کہ انتخابات میں بھارت کے 60 فیصد سے زائد رائے دہندگان نے ووٹ کاسٹ کیا۔
فواد چوہدری نے کہا کہ مودی اپنے نعرے کے مطابق 400 سیٹیں نہیں جیت سکے، بی جے پی کی 611 کروڑ روپے کی مالی مدد کی گئی۔
انہوں نے کہا کہ بھارتی انتخابات کے دوران آئی ٹی رولز کو تبدیل کیا گیا، راہول گاندھی کو مودی کی توہین پر 2 سال قید کی سزا دی گئی۔
فواد چوہدری نے کہا کہ مودی کے دور میں 2 وزرائے اعلی کو قید کیا گیا، ریاست اپنے شہریوں کو عزت نہیں دے گی تو اس کی اپنی عزت نہیں ہوگی۔
