ریاض(نیوزڈیسک)زمزم کے پانی کے نمونوں کے مصدقہ لیبارٹری تجزیوں سے یہ بات سامنے آئی ہے کہ ’زمازمہ‘ کمپنی کی طرف سے زائرین کو پانی پلانے کے لیے خودکار بوٹلنگ سینٹر میں تیار کردہ زمزم کے پانی کی بوتلیں، جیولوجیکل سروے اور فوڈ اینڈ ڈرگ جنرل اتھارٹی سے منظور شدہ عناصر کے لحاظ سے تکنیکی خصوصیات اور مصنوعات کے حفاظتی اصولوں کے عین مطابق ہیں۔
ماہِ شعبان کے وسط سے ذوالقعدہ کے مہینے کے آخر تک مکہ مکرمہ میں ’الزمازمہ‘ کمپنی کی فیکٹری سے زمزم کے پانی کی بوتلوں پر کیے گئے لیبارٹری تجزیوں نے ان نمونوں اور استعمال ہونے والے بوتلوں کو ہر طرح کی آلائش سے محفوظ قرار دیا۔
تجزیوں کی حتمی رپورٹ جس میں زمازمہ فیکٹری کی لیبارٹری میں جانچے گئے 600 نمونے اور 75 دیگر نمونے شامل تھے میں بتایا گیا کہ ان تجزیوں میں کیمیکل، فزیکل اور مائیکروبائیولوجیکل ٹیسٹ شامل تھے۔ ان نمونوں میں سے 38 فی صد حتمی نتیجے، 28 فی صد فلٹریشن کے بعد زم زم کو ذخیرہ کرنے مرکزی ٹینکوں اور 34 فی صد ٹرانسپورٹ گاڑیوں سے لیے گئے تھے۔
جانچ کے نتائج نے فلٹریشن اور الٹراوائلٹ شعاعوں کا استعمال کرتے ہوئے پروڈکشن لائن میں تجزیے کے مرحلے کی اہمیت کو ظاہر کیا۔ نتائج نے اس بات کی تصدیق کی کہ زمزم کمپنی کی لیبارٹری زمزم کے پانی کی حفاظت کو یقینی بنانے کے لیے کام کرتی ہے۔
یہ بات قابل غور ہے کہ موجودہ حج سیزن میں ’الزمازمہ‘ کمپنی نے لیبارٹری تجزیہ کرنے میں مکمل غیر جانبداری کو یقینی بنانے کے لیے، فوڈ اینڈ ڈرگ اتھارٹی کی طرف سے تسلیم شدہ لیبارٹریوں میں سے ایک کے ساتھ معاہدہ کیا ہے تاکہ مختلف تعداد میں سے نمونے واپس لینے کا کام انجام دیا جا سکے۔
اس طرح حج کے ایام میں ضیوف الرحمان کو صاف اور صحت افزاء زمزم کی فراہمی یقینی بنائی جا سکے۔
