اسلام آباد(نیوزڈیسک)کرپشن میں ملوث سرکاری افسران کی تفصیلات منظر عام پر آگئیں۔
سرکاری دستاویز کے مطابق اس وقت 403 سرکاری ملازمین احتساب آرڈیننس کے تحت ٹرائل کا سامنا کر رہے ہیں۔
دستاویز میں بتایا گیا ہے کہ 80 سرکاری ملازمین اس وقت نیب انکوائریز بھگت رہے ہیں اور 90 سرکاری ملازمین کے کیسز تحقیقات کی سطح پر ہیں۔
دستاویز میں مزید بتایا گیا کہ انکوائری، تحقیقات یا ٹرائل کا سامنا کرنے والے سرکاری ملازمین کے نام ظاہر نہیں کیا جاسکتا۔
کرپشن ثابت ہونے یا پلی بارگین کرنے پر سرکاری ملازمین کو برطرف کر کے 10 سال کے لیے نااہل کر دیا جاتا ہے۔
