پاکستان کرکٹ بورڈ نے ٹی ٹوئنٹی ورلڈ کپ 2026 کے لیے 15 رکنی اسکواڈ کا اعلان کر دیا ہے۔ سلمان علی آغا کو ٹیم کا کپتان مقرر کیا گیا ہے۔
گل پلازہ سانحہ: تحقیقات کیلئے این ای ڈی یونیورسٹی کی ٹیکنیکل ٹیم کا دورہ، مختلف مقامات کا جائزہ
اعلان کردہ اسکواڈ میں فہیم اشرف، خواجہ محمد نافع، محمد سلمان مرزا، صاحبزادہ فرحان، عثمان طارق اور ابرار احمد شامل ہیں۔ اس کے علاوہ بابر اعظم، فخر زمان، محمد نواز، شاہین شاہ آفریدی، عثمان خان، صائم ایوب، شاداب خان اور نسیم شاہ بھی ٹیم کا حصہ ہیں۔
پاکستان اپنی ورلڈ کپ مہم کا آغاز 7 فروری کو نیدرلینڈز کے خلاف کرے گا۔ ٹی ٹوئنٹی ورلڈ کپ کے میچز 7 فروری سے 8 مارچ تک شیڈول ہیں۔
ٹی ٹوئنٹی ورلڈ کپ سے قبل پاکستان تین میچوں کی سیریز بھی کھیلے گا، جس میں آسٹریلیا کے خلاف میچز لاہور کے قذافی اسٹیڈیم میں 29، 31 جنوری اور 1 فروری کو ہوں گے۔ آسٹریلیا کی ٹیم 28 جنوری کو پاکستان پہنچے گی اور یہ سیریز ورلڈ کپ کی تیاری کے طور پر کھیلی جائے گی۔
