پاکستان کے فاسٹ بولر شاہین شاہین آفریدی نے کہا ہے کہ وہ آسٹریلوی بگ بیش لیگ کھیلنے کے لیے پرجوش ہیں۔
برسبین ہیٹ کی نمائندگی کرنے والے شاہین نے بگ بیش لیگ سے متعلق انٹرویو میں بتایا کہ آسٹریلیا میں کافی پاکستانی فینز موجود ہیں اور کئی پاکستانی کھلاڑی لیگ کا حصہ ہیں۔ انہوں نے کہا کہ چند سال سے بگ بیش کھیلنے کا موقع نہیں ملا، لیکن اب مکمل لیگ کھیلنے کے لیے پرجوش ہوں، اس دوران کوئی قومی ڈیوٹی نہیں ہے اور امید ہے کہ مکمل لیگ کھیلنے کا موقع ملے گا۔
ایمان مزاری اور ہادی علی چٹھہ کیخلاف متنازع ٹویٹ کیس کی سماعت ملتوی
شاہین نے کہا کہ وہ محمد رضوان اور بابر اعظم کے ساتھ قومی ٹیم اور پاکستان سپر لیگ میں کئی بار کھیل چکے ہیں۔ انہوں نے بابر اعظم کو ورلڈ کلاس کھلاڑی قرار دیتے ہوئے کہا کہ بابر کی کوور ڈرائیو خوبصورت ہے اور وہ زیادہ اسٹرائیک روٹیشن کو ترجیح دیتے ہیں۔
فاسٹ بولر کے مطابق محمد رضوان فاسٹ بولنگ پسند کرتے ہیں اور بابر اعظم سے مختلف انداز میں بیٹنگ کرتے ہیں۔ انہوں نے کہا کہ رضوان اور بابر اعظم نے پاکستان کے لیے متعدد پرفارمنسز دی ہیں اور نیٹس میں بھی ان کے خلاف باقاعدہ میچ ہوتے ہیں۔
شاہین نے گابا میں انٹرنیشنل میچز کھیلنے کا تجربہ شیئر کرتے ہوئے کہا کہ وہاں کی پچ میں کافی باؤنس ہوتا ہے، اور بگ بیش میں پاکستان کی طرح فلیٹ پچز نہیں ہوں گی۔
شاہین نے پاکستان سپر لیگ سے قبل ڈومیسٹک کرکٹ میں کپتانی نہ کرنے کا ذکر کرتے ہوئے کہا کہ ثمین رانا نے انہیں کافی گائیڈ کیا، اور لاہور قلندرز کو اپنی فرنچائز سمجھتے ہوئے کہا کہ بطور کپتان کھلاڑیوں پر اونچا نہیں بولنا چاہیے کیونکہ دیکھنے والوں پر تاثر اچھا نہیں جاتا۔
