انڈر 19 ایشیا کپ کے گروپ اے کے میچ میں پاکستان نے ملائیشیا کو جیت کے لیے 346 رنز کا ہدف دیا ہے۔
دبئی میں کھیلے گئے میچ میں ملائیشیا نے ٹاس جیت کر پاکستان کو پہلے بیٹنگ کی دعوت دی۔ پاکستان کی اننگز عثمان خان اور سمیر منہاس نے شروع کی۔ عثمان خان ایک رن بنا کر آؤٹ ہوئے جبکہ علی حسن بلوچ 14 رنز کے ساتھ پویلین لوٹے۔
منی بجٹ کے خطرات، پاکستان نے آئی ایم ایف کو اہم پلان پیش کردیا
بعد ازاں احمد حسین نے بیٹنگ سنبھالی اور سمیر منہاس کے ساتھ تیسری وکٹ پر 293 رنز کی شراکت قائم کی۔ احمد حسین نے 132 رنز بنائے، جس میں دو چھکے اور آٹھ چوکے شامل تھے، جبکہ سمیر منہاس نے آٹھ چھکوں اور 11 چوکوں کی مدد سے 177 رنز بنا کر ناٹ آؤٹ رہے۔ فرحان یوسف بھی آٹھ رنز کے ساتھ ناٹ آؤٹ رہے۔
پاکستان نے مقررہ 50 اوورز میں تین وکٹوں کے نقصان پر 345 رنز اسکور کیے اور ملائیشیا کے لیے 346 رنز کا ہدف مقرر کر دیا۔
