لاہور میں پاکستان ویمنز فٹبال ٹیم کو پہلی بار فیفا سیریز میں شامل کر لیا گیا ہے۔ پاکستان فٹبال فیڈریشن (پی ایف ایف) کے مطابق فیفا نے پاکستان ویمنز فٹبال ٹیم کو فیفا سیریز میں شامل کرنے کی منظوری دے دی ہے۔
غزہ کے درد ناک واقعے پر مبنی فلم ’دی وائس آف ہند رجب‘گولڈن گلوب ایوارڈ کیلئے نامزد
پی ایف ایف کے مطابق فیفا سیریز میں شمولیت پاکستان میں ویمنز فٹبال کی بڑھتی ہوئی ترقی کا اعتراف ہے۔ ان کا کہنا تھا کہ پاکستان ویمنز نیشنل ٹیم کے لیے یہ نئے دور کا آغاز ہے، جس سے کھلاڑیوں کو بین الاقوامی سطح کے مقابلے کھیلنے کا موقع ملے گا۔
واضح رہے کہ فیفا سیریز 2026 مارچ اور اپریل میں کھیلی جائے گی، جبکہ فیفا ویمنز سیریز کا آغاز برازیل، آئیوری کوسٹ اور تھائی لینڈ میں ہوگا۔ مزید برآں خواتین کی فیفا سیریز کے تمام گروپس کا اعلان 2026 کے اوائل میں متوقع ہے۔
