خلا میں ستارہ ساز فیکٹری کی خوبصورت تصویر جاری

ناسا کی ہبل اسپیس ٹیلی اسکوپ نے رواں ہفتے کائنات کی اتھاہ گہرائیوں میں موجود ایک خوبصورت ستارہ ساز فیکٹری کی نئی تصویر جاری کر دی ہے۔ اس تصویر میں زمین سے 1 لاکھ 60 ہزار نوری سال کے فاصلے پر موجود لارج میجلینک کلاؤڈ کے ایک حصے کو دکھایا گیا ہے، جس کا مطلب ہے کہ تصویر میں جو منظر نظر آ رہا ہے وہ درحقیقت 1 لاکھ 60 ہزار سال پہلے کا ہے۔ تصویر میں دکھائے گئے اس خطے کے ایک کنارے سے دوسرے کنارے تک کا فاصلہ ہی 150 نوری سال پر محیط ہے۔

طبی میدان میں انقلاب، صرف ایک سیکنڈ میں گہرے زخم سے بہتے خون کو روکنے والا اسپرے

اس وسیع رقبے پر، جہاں ستارے بن رہے ہیں، سرخ رنگ کی ٹھنڈی ہائیڈروجن جو کہ ستاروں کا ایندھن ہے، جل رہی ہے۔ کچھ ناہموار ستاروں نے اپنے اطراف کے حصے کو دھماکے سے اڑا دیا ہے جس کی وجہ سے گیس میں بڑے بڑے بلبلے بن گئے ہیں۔ زمین پر یہ نظارہ جنوبی ہیمسفیئر میں ڈوراڈو اور مینسا نامی جھرمٹوں میں دیکھا جا سکتا ہے، جبکہ اس بڑے بادل کو تاریک آسمانوں پر انسانی آنکھ سے بھی دیکھنا ممکن ہے۔