الیکشن سیل کی تحقیق کے دوران حاصل شدہ اعداد وشمار کے مطابق نئی قومی اسمبلی میں نوجوانوں کی تعداد 4 فیصد سے بھی کم ہے۔
الیکشن سیل کی تحقیق میں دلچسپ اعداد و شمار سامنے آگئے ہیں، نئے اعداد و شمار کے مطابق قومی اسمبلی میں درمیانی عمر کے ممبران 52 فیصد سے بھی زیادہ اور نوجوان کی تعداد 4 فیصد سے بھی کم ہے۔
اعداد و شمار کے مطابق 265 میں سے صرف 10نو منتخب ممبران نوجوان ہیں جن کی عمریں 26 سے 35 سال کے درمیان ہیں جبکہ 93 ممبران کی عمریں 46 سے 55 سال کے درمیان ہیں۔
قومی اسمبلی کے نئے منتخب ارکان میں کتنے گریجویٹ ہیں؟
اعداد و شمار میں یہ بات بھی سامنے آئی ہے کہ 46 نو منتخب ممبران کی عمریں36سے 45 سال اور 56 ممبران کی عمریں 56 سے 65 سال کے درمیان جبکہ 47 نو منتخب ممبران کی عمریں 66 سے 75سا ل کے درمیان ہیں۔
اعداد وشمار میں بتایا گیا ہے کہ قومی اسمبلی کے 13 نو منتخب ممبران زندگی کی 75 بہاریں دیکھ چکے ہیں۔
