ملک کے صوبہ خیبرپختونخوا میں بارش نے تباہی مچادی ہے جہاں بارش کے باعث گھروں کی چھتیں کرنے کے واقعات میں4 افرادجاں بحق جب کہ 9 زخمی شہری ہوگئے۔
’نجی ٹی وی کے مطابق صوبائی ڈیزاسٹر مینجمنٹ اتھارٹی (پی ڈی ایم اے) نے اپنی رپورٹ میں کہا کہ پشاور میں بارش کے باعث 4گھروں کو جزوی جبکہ2 گھروں کو مکمل نقصان پہنچا۔
ڈائریکٹر جنرل (ڈی جی) پی ڈی ایم اے نے کہا کہ متاثرہ اضلاع میں امدادی کارروائیاں جاری ہیں، برفباری اور لینڈسلائیڈنگ سے بند سڑکوں کو کھلولنے کے لیے اقدامات تیزکر دیے گئے ہیں۔
انہوں نے مزید کہا کہ پی ڈی ایم اے تمام اضلاع کے ساتھ قریبی رابطے میں ہے۔
کراچی میں آج اور کل بوندا باندی، ہلکی بارش کی پیش گوئی
ادھر وفاقی دارالحکومت اسلام آباد اور گردونواح میں ہلکی بارش کے موسم خوشگوار ہونے کے ساتھ سردی کی شدت میں بھی اضافہ ہوگیا۔
اس کے علاوہ پنجاب کے دارالحکومت لاہور میں بھی بونداباندی ہوئی جس سے موسم خوشگوارہوگیا۔
محکمہ موسمیات کے مطابق شہر میں درجہ حرارت 14 ڈگری سینٹی گریڈ ریکارڈ کیا گیا، آئندہ 24 گھنٹوں کے دوران بارش کی پیشگوئی کی ہے۔
محکمہ موسمیات نے کہا کہ 17 سے 22 فروری تک مری گلیات اور گردو نواح میں طوفانی بارش اور برفباری کےامکانات ہیں جب کہ ترجمان پی ڈی ایم اے نے مری انتظامیہ کو الرٹ رہنے کی ہدایات جاری کی ہیں۔
ترجمان پی ڈی ایم اے کے مطابق کو بارش اور برفباری کے امکانات 75 فیصد ہیں۔ 17 سے 22 فروری تک موسم کی صورتحال بے یقینی رہے گی۔
دوسری جانب محکمہ موسمیات نے کہا ہے کہ متحدہ عرب امارات،سعودیہ، قطر سمیت دیگر مشرق وسطی کے ممالک میں شدید بارشوں اور ژالہ باری کا سبب بننے والا طاقتور مغربی سسٹم آج رات پاکستان پہنچنے کا امکان ہے۔
محکمہ موسمیات کے مطابق سسٹم کی بحیرہ عرب موجودگی سے کراچی میں مطلع ابر آلود رہنے، آج اور کل بوندا باندی اور ہلکی بارش کا امکان ہے، سسٹم کے باعث جیوانی گوادر اور ماڑہ تربت، پنجگور، بیلہ، اُتھل اور اطراف میں بھی بارش ہوسکتی ہے۔
