ترجمان دفتر خارجہ کے مطابق پاکستان نے افغانستان سے متعلق اپنی موجودہ پالیسی برقرار رکھنے کا اعلان کر دیا ہے۔
ترجمان نے کہا کہ پاکستان نے افغان طالبان سے مطالبہ کیا تھا کہ ان کی سرزمین پاکستان کے خلاف استعمال نہیں ہونے دی جائے گی لیکن مطلوبہ یقین دہانیاں نہیں مل سکیں۔
ان کا مزید کہنا تھا کہ افغانستان کا دورہ کرنے والا وفد پاکستانی حکومت کی اجازت سے نہیں گیا تھا۔
ترجمان نے ایران کے تیل بردار جہازوں سے متعلق معاملات پر کہا کہ یہ ایران اور متعلقہ حکومتوں کے درمیان ہیں اور پاکستان کا اس پر کوئی مخصوص مؤقف نہیں ہے۔ انہوں نے یہ بھی کہا کہ آبنائے ہرمز سے متعلق ممکنہ رابطوں کے بارے میں حتمی تصدیق نہیں کی جا سکتی۔
