اسلام آباد، 29 جنوری 2026 – امریکہ کے سفارت خانے نے پاکستان میں اپنی فریڈم 250 لیکچر سیریز کا آغاز کیا تاکہ پاکستانی عوام کو اہم امور جیسے کاروباری مواقع، ڈیجیٹل معیشت، اور اہم معدنیات کے بارے میں آگاہ کیا جا سکے۔ اس سلسلے کے تحت، ڈونا کارپینٹر، جو امریکی کمپنی برٹن سنوبورڈز کی شریک بانی اور بورڈ آف ڈائریکٹرز کی چیئر ہیں، اور سمار خان، پاکستانی پروفیشنل ایتھلیٹ اور امریکی محکمہ خارجہ کے espnW گلوبل اسپورٹس مینٹرنگ پروگرام کی سابقہ شرکت کنندہ، نے کھیلوں کے شعبے کے پیشہ ور افراد، نوجوانوں، اور کاروباری رہنماؤں سے ملاقات کی۔
ڈی جی آئی ایس پی آر کی جامعہ کراچی میں طلباءکے ساتھ خصوصی نشست
28 جنوری کو، امریکہ کے تعلیمی ادارے یونائیٹڈ سٹیٹس ایجوکیشنل فاؤنڈیشن کے نئے ہیڈکوارٹر میں ہونے والے ایک ایونٹ میں، انہوں نے نوجوانوں کی ترقی، جدت، اور ثقافتی تبادلے میں کھیلوں کے کاروباری کردار کو اجاگر کیا۔ انہوں نے کہا کہ کھیل نوجوانوں میں قیادت، ٹیم ورک، صبر و حوصلہ جیسی اہم صلاحیتیں پیدا کرتے ہیں اور نوجوانوں کو اپنے معاشروں میں مثبت تبدیلی لانے کے مواقع فراہم کرتے ہیں، جو مقامی اور عالمی سطح پر اثر ڈالتی ہیں۔
امریکہ کے سفارت خانے کے پبلک ڈپلومیسی کے وزیر مشیر اینڈی ہالس نے کہا، "پاکستان کی آبادی نوجوان اور توانائی سے بھرپور ہے اور کھیلوں اور کاروباری مواقع میں پوشیدہ صلاحیتیں موجود ہیں۔ طلباء، کھلاڑیوں اور پیشہ ور افراد کے ساتھ رابطہ قائم کر کے ہم نہ صرف خیالات کے تبادلے اور کھیلوں کے ذریعے کمیونٹیز کو بااختیار بنانے کے طریقے دریافت کرتے ہیں بلکہ ایسی شراکت داری کو بھی فروغ دیتے ہیں جو دونوں ممالک کے لیے خوشحالی اور ترقی کے مواقع پیدا کرتی ہے۔ یہ تعلقات تعاون، جدت اور اقتصادی ترقی کے نئے مواقع پیدا کرنے میں مددگار ثابت ہوتے ہیں اور امریکہ اور پاکستان کے درمیان روابط کو گہرا کرتے ہیں۔”
فریڈم 250 لیکچر سیریز میں امریکی سرکاری پروگراموں کے سابقہ طلباء، امریکی کاروباری رہنما اور دیگر ماہرین کی تقاریر شامل ہوں گی۔ یہ سلسلہ امریکی مہارت کو اجاگر کرنے اور دیرپا شراکت داری قائم کرنے کے لیے ایک منفرد پلیٹ فارم فراہم کرتا ہے، جبکہ ہم امریکی آزادی کے 250 سال مکمل ہونے کا جشن مناتے ہیں۔
