وزیر قانون اعظم نذیر تارڑ نے کہا ہے کہ 26 ویں اور 27 ویں ترامیم پر تنقید تو کی جاتی ہے مگر یہ نہیں بتایا جاتا کہ یہ ترامیم غلط کیوں ہیں۔ راولپنڈی میں وکلا کے نئے چیمبرز کی افتتاحی تقریب سے خطاب کرتے ہوئے انہوں نے واضح کیا کہ پنجاب میں پراپرٹی کے قانون پر اعتراضات کی بات ہوئی ہے اور یہ معاملہ جلد حل ہو جائے گا، جبکہ اس پر سیاست چمکانے والوں کو شرمندگی کا سامنا کرنا پڑے گا۔
2026 میں پاکستان نے اقوام متحدہ انسانی حقوق کونسل کی رکنیت سنبھال لی
اعظم نذیر تارڑ کا کہنا تھا کہ راولپنڈی بار ایسوسی ایشن کے اکاؤنٹ میں 3 کروڑ 20 لاکھ روپے منتقل کیے جائیں گے، یہ رقم ان 64 افراد کو دی جائے گی جن کے چیمبرز کو نقصان پہنچا تھا۔ اس موقع پر وکیل رہنما احسن بھون نے خطاب کرتے ہوئے کہا کہ اعظم نذیر تارڑ واحد وزیر قانون ہیں جن کا تعلق وکلا برادری سے ہے اور وہ وکلا کے مسائل کو بخوبی سمجھتے ہیں۔
