سابق قومی کرکٹر عماد وسیم کی اہلیہ ثانیہ اشفاق کا عماد وسیم کی سوشل میڈیا پوسٹ پر ردعمل سامنے آگیا ہے۔
سال 2025 میں کن نامور پاکستانی شخصیات کی طلاقیں ہوئیں؟ فہرست سامنے آگئی
سابق قومی کرکٹر عماد وسیم کی اہلیہ ثانیہ اشفاق نے اپنے بیان میں کہا کہ میرا گھر ختم ہوا، بچے اپنے والد سے محروم ہوئے، میرے پانچ ماہ کے بچے کو اس کے والد نے ابھی تک نہیں تھاما۔ ان کا کہنا تھا کہ شادی میں مشکلات کے باوجود تعلق اور رشتہ قائم تھا، بطور بیوی اور ماں رشتے کو نبھانے کی پوری کوشش کرتی رہی لیکن تیسرے فرد کے آنے کی وجہ سے معاملات خراب ہوئے، وہ خاتون میرے شوہر سے شادی کی خواہشمند تھی۔
ثانیہ اشفاق نے مزید لکھا کہ بچوں اور گھر کی عزت کی خاطر ذہنی اذیت اور برا سلوک برداشت کیا، خاموش رہنے کا کہا جا رہا ہے لیکن انصاف ضرور ہوگا، میرے پاس تمام دستاویزی ثبوت موجود ہیں۔ انہوں نے یہ بھی کہا کہ مجھے دھمکی بھی دی جا رہی ہے کہ دستاویزی ثبوت نہ دکھاؤں، میں بدلہ لینے کے لیے نہیں بلکہ اپنے بچوں کی خاطر سچ بول رہی ہوں اور میں اس معاملے کا قانونی طور پر مقابلہ کروں گی۔
